|
Данъязы кужмооссэ, пусйизы устооссэ |
|
25-26 августэ Татышлы, Янаул но Калтасы ёросъёсын дышетӥсьёслэн август кенешсы ортчиз. Кенеше ёросъёсысь кивалтэт сяна, республикаысь кивалтӥсьёс, кивалтӥсьёслэн воштӥсьёссы вуэмын вал.Татышлы ёросын ортчем август кенешын БР-ысь нюлэс хозяйствоя министр Р. Б. Набиуллин, БР-ысь Дышетонъя министерстволэн воспитанияя но ватсаса тодон-валан сётон ёзэтысьтыз валтӥсь öнерчи-эксперт Р. Б. Зайнашева луизы. Янаул ёросын ортчем ужрадэ БР-ысь Президентлэн администрациеныз кивалтӥсезлэн воштӥсез З.И. Насыров но мукетъёс, Калтасы ёросын ортчем кенеше БР-ысь Дышетонъя министерствоен кивалтӥсезлэн воштӥсез З. Ф. Ахметова пыриськизы.  Татышлы ёрос. Конференцилэсь официальной люкетсэ Татышлы ёрос администрациен кивалтӥсь Р. К. Гараев усьтӥз. Рушан Кадимович «Дышетон удысэз выльдон ужпумъёс но соослэн уж вылын быдэстӥськемзы» темая докладэн вераськиз.
Ражап Набиуллин 2010 арлэн кутсконаз Татышлы ёросысь школаосы куать мультимедийной комплектъёслэсь вуэмзэс пусйиз. Солэн верамезъя, Татышлы ёросысь дышетон юртъёслы 2010-2011 дышетскон арлы республика бюджетысь 160 сюрслы матэ коньдон висъямын. Ужрадэз азинтыса, Татышлы ёросысь дышетонъя ёзэтэн кивалтӥсь А.М. Фарвазетдинов вераськиз. Туннэ нуналэ та ёросын 30 нылпи сад, 15 шор ёзо но 12 основной школаос, 23 филиалъёс ужало. Бальзюга гуртысь нылпи сад «Устоез нылпи сад - 2009» республика конкурсэ пыриськемез понна покчи комплектъем нылпи садъёс пöлын БР-ысь Дышетонъя министерстволэн III степенё Дипломеныз пусъемын. Адегам Магданович ЕГЭ-лэн йылпумъянъёсыз сярысь но вераз. - Туэ дышетскисьёс дас ньыль предметъя ЕГЭ сётӥзы.Шумпотыса верано, ЕГЭ-лэн йылпумъянъёсыз умоесь луизы.Вань дышетскисьёс аттестат басьтӥзы. Тросэз соос дышетсконзэс вузъёсын азинто. Вераны кулэ, ВыльТатышлы школаез быдтэм пиналъёс вузъёсы капчиен дышетскыны пыро. |
|
Подробнее...
|
|
|
«Ӟардонэз» ӟечкыланы Йошкар-Олаысь, ёросысь кивалтӥсьёс мылкыд каризы. Вуэмын вал Башкортостан, Татарстан но Удмурт Элькунъёсысь куноос. Башкортостанысь лыктэмъёс пöлын Татышлы ёросысь историяя но культурая центрен кивалтӥсь Т. Н. Шайбакова, Кызылъяр школаен кивалтӥсь но удмурт кылъя дышетӥсь Л. Л. Зидымаков но Н. М. Гайниярова луизы. Удмуртиысь – йöскалык политикая министрлэн воштӥсез, «Удмурт кенеш» огазеяськонлэн вице-президентэз Т.В. Ишматова, тодосчи Г. А. Никитина но мукетъёс. Ужрадлэн нырысь нуналаз лыктэм куноос «Ӟардон» ансамблез ӟечкылазы. Удмуртиысь кырӟаны-эктыны усточиос А. Баймурзин, Н. Уткина но «Ашальчи» ансамбль жингрес гуръёссэс кузьмазы. «Ӟардонъёс» но сцена вылэ потӥзы. Ансамбльлэн азьвыл но туала коллективез паймымон усто но чебер кырӟаз, эктонъёсын шумпоттӥз но шулдыртӥз. Пусйыны кулэ, та ансамбле удмуртъёс сяна, поръёс, ӟучъёс но бигеръёс пырисько. Ваньзы соос удмурт сямен быгатыса кырӟало-экто. Кыкетӥ нуналаз но чузъяськизы ӵыдонтэм удмурт гуръёс. «Ӟардон» но «Ашальчи» ансамбльёс, Н. Уткина, А. Баймурзин огазеяськыса концерт возьматӥзы. |
|
Зарни вакытъёсы ялан тодам |
|
Быръем удысэз сярысь котькин шуныт кылъёсын вазиське. Дышетӥсьын ужай бере, со мыным котьмалэсь дуно. Куамын сизьым ар нылпиосты визьнодай. Берло дас одӥг ар удмурт кылъя урокъёсты нуи. 1975-1987 аръёс – улонэлэн шудо вакытэз. Школаын ужакум, удмурт кылъя урокъёс кружокен ӵош 21 часлы ӵошазы. Пиналъёс кружоке ӝутскем мылкыдын ветлӥзы. Угось отын кылбуръёс, выжыкылъёс гожъямы, спектакльёс пуктӥмы. Котькуд классысь ӝöкын «Дась лу!» газет луылӥз. Сое котьку ужамы кутылӥм. Табере улон воштӥськиз. Школаосын удмурт кыллы арняяз 11 час гинэ сётӥське. Газетэз но öжыт басьто. |
|
Подробнее...
|
|
Гажано дышетскисьёс но дышетон удысын тыршисьёс! ӟечкыласьком тӥледыз Тодон-валанлэн нуналэныз но выль 2010-2011 дышетскон арен! Нырысетӥ сентябрь - бадӟым праздник. Уго тöдьы бантъёсын но киязы вуюисьлэн буёлъёсыныз ворекъясь сяська керттэтъёсын пиналъёс, котькулэсь чебер но синмаськымон дышетӥсьёс, шаръёсын чеберъям дышетон юртъёс праздник мылкыд кылдыто. Ваньмыз со выль дышетскон арлэсь кутскемзэ возьматэ. Удмурт дышетӥсьёс пöлын öжыт öвöл ас удысазы бадӟым вормон басьтэмъёс, «Дышетон» йöскалык проектъя Грант утэмъёс. Арысь аре удмурт школаосысь нылпиос конкурсъёсын, олимпиадаосын вормыло, Президент но Кремль ёлкаосы вуыло. Ваньмыз со удмурт дышетӥсьёслэсь ас удыссэс мур тодэмзэс но нылпиослэсь лэчыт визьмо, кужмо луэмзэс возьматэ. Юлий Цезарь шуиз: «Тодон-валан – со кужым». Адямилэсь трос тодэм-валамзэ кулэ карись вакытэ кужмо нылпиос мед будозы. Выль дышетскон арын выль азинсконъёс но вормонъёс тӥледлы, дышетӥсьёс, дышетскисьёс, студентъёс но дышетон удысын тыршисьёс! БР-ысь удмуртъёслэн НКЦ-зылэн Кенешез. |
|
Ёросысь археологи синпелетъёс |
|
Башкирилэн уйпал но шундыпуксён палаз (озьы ик Татышлы ёросысь) улӥсьёс сярысь нырысетӥ гожтэмъёс XIV-XV-тӥ дауръёсысь кагазъёсын пумисько. Зэмзэ вераса, солэсь азьло гожъямъёс но шедё. Но соос муртъёслэн верамзы, преданиос, выжызы сярысь гожтэмъёс вылэ пыкъяськыса гожтэмын (быдэсак материалэз газет бамысь лыдӟыны луоз). |
|
|
<< Первая < Предыдущая 1 2 3 4 5 6 7 8 9 10 Следующая > Последняя >>
|
|
Страница 1 из 94 |
